Døden avslører at ’forfengeleg’ går ut på dato. Forfengeleg er næraste slektning til ’forgjengeleg’. Og begge deler er datostempla. «Det synlege er forgjengeleg, det usynlege evig.»
Lurt då snarast å gjere seg til vens med døden. Di meir vi har sanka på forfengelegdoms marknad, di meir har vi å døy bort frå. Men den som døyr etter kvart, slepp å døy så hardt.
Forbi livets siste innsjekkings-skranke får vi med berre éin ting i plastposen, seier Jesus: Kjærleiks-gjerningar. Det som likevel må etterlatast, er lite å satse livet sitt på.
Vi står framfor ei guddomeleg ansvarleggjering av heile livet vårt. Menneskesonen skal ein dag kome til syne. På si kongetrune. I herlegdom. Alle menneske skal anerkjenne han som domaren. Domsgrunnlaget er korkje sofistikert eller komplisert: Kjærleiksgjerningar.
Les gjerne Matt 25,31-46.
«Konge stor i makt og velde
du som let din nåde gjelde
frels meg du, all kjærleiks kjelde.»
